عيال × عيال

موضوع: عيال × عيال الإثنين يوليو 28, 2008 10:44 am

واحد قال لأبوه بابا عاوز أكمل دراستي بره قال وإيه المشكلة، قول لأمك تفرشلك في الحوش بس خد بالك لتبرد .

Laughing

مرة اتنين أغبية كانوا ماشيين في الصحراء طلع عليهم أسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله وأجرى ليه هو أنا اللى ضربته .

Laughing

مره واحده حامل ابنها الصغير بيسألها : إيه اللي في بطنك ده يا ماما قالتله : ده أخوك يا حبيبي...تاني يوم و هوه في المدرسة المدرس سأله : أنت عندك أخوات؟ قاله : كان عندي واحد بس ماما أكلته .

Laughing

مره طالبه مشاغبه المدرس اشتكاها للمدير المدير بعتلها قال لها " عملتى ايه ؟ " قالت له " ولا حاجه رميت ورده من الشباك " قال "ب س كده ؟ " قالتله " آه " بعد شويه لقى طالبه مدغدغه ومكسره سألها "ايه الى عمل فيكى كده ؟ " قالت له " أنا وردة " .

Laughing

مرة تلميذ بيسأل الأستاذ بيقول له : هو ممكن يتعاقب الإنسان على حاجة معملهاش؟ قال له : لأ طبعاً . ففرح التلميذ أوى و قال له خلاص أنا معملتش الواجب .

Laughing

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ و الله اتفضل إنت الأول " .

Laughing

توأم بيقول لأخوه التوأم وهو متنرفز إنت كنت فين ياعم أمك حمتنى مرتين .

Laughing

مرة ولد صغير سأل والده: بابا انت جبتني ازاي؟ قاله : بص يا حبيبي إحنا جبنا شوية سكر و حطناهم تحت السجادة جينا تاني يوم و رفعنا السجادة لقيناك. راح الولد و جاب شوية سكر و حطهم تحت السجادة صحي تاني يوم بيرفع السجادة لقى صرصار فقاله :" آه لو مكنتش ابني كنت قتلتك " .

Laughing

تلميذ أحول بيكتب حلو قوى بس فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه .

Laughing

ولد سأل مامته الحامل إيه اللى فى باطنك ده يا ماما قالت له : أخوك , قالها : و انت بتحبيه ؟ قالت له أيوة قال لها : لما انت بتحبيه أمال أكلتيه ليه ؟

Laughing

ولد بيقول لابوه عايزة2جنية علشان رايح عند محمدين فقال الأب تاخد جنية وتروح عند محمد .

Laughing

واحد فشار أوي جاله واحد صحبه قعد يقوله امبارح جالي ابو لهب و أبو جهل و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله أبوك امبارح جاله أبو لهب و أبو لهب وكانوا بيتغدوا مع بعض؟ قاله بصراحه يا عمو مش عارف بس أنا امبارح لقيت عربية قدام البيت مكتوب عليها ملاكي قريش .

Laughing

موجه جغرافيا دخل الفصل ووقف تلميذ قاله أنا هارسم رسم وانت تكمله , الموجه رسم دايرة الواد رسم خط فى النص،الموجه رسم خط يقسم الدايرة أربعه الواد رسم له نقطه .. الموجه طلع من الفصل سعيد وانت مدرس ممتاز وقعد يشكر فى المدرسه وقال انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .. وطلع الواد يقول عالموجه ده راجل طماع ده عينه فارغه وقاللهم رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك .

Laughing

مرة واحد راح للبقال قاله هات ببريزه حلاوة طحينيه قاله ما فيش قاله ادينى اى حاجه قاله ما فيش ، قاله يا عم هات اى حاجه، البقال جاب القالب وبيقطع حته علشان يديهاله قالو انت لسه هتشيل منها .

Laughing

مرة بنت قالت لامها : هو السمك بياكل سردين ؟ قالت ايوة قالت لها : ازاي بيفتح العلبة ؟

Laughing

مدرس انجليزى بيسأل تلميذ بيقوله لو عايز تقول لواحد تعالى هنا تقوله ايه ؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية وأقوله come here.

Laughing

واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى .

Laughing

مرة ولد صغير راح لجارته وطلب منها إنها توريه لسانها فسألتة ليه : فقالها عشان ماما بتقول ان لسانك زي العقربة .

Laughing

مرة واحد غبي راح للدكتور علشان يكشف علي ابنه.. الدكتور دخل مع الواد اوضة الكشف.. و بعدها بربع ساعة طلع الدكتور و قال للراجل ابنك مات.. راح طلع الواد الصغير و قال لابوه.... يابا يابا أنا لسه مامتش , راح أبوه قاله اسكت يا ولد انت هتعرف اكتر من الدكتور .

Laughing

مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فسأله المدرس و ليه بقه يا سيدي بتفتكر نفسك غبي ..فرد عليه التلميذ أصلي محبيتش أشوفك واقف لواحدك يا أستاذ .

Laughing

مره واحد جاب لأمه دواء يخليها ترجع 20 سنه وره تانى يوم راح لها لقى معاها عيل صغير فسألها مين العيل الصغير ده قالت له : أصل أبوك شرب الدوا كله .

ههههها

ههههههه نكت طريفة جدآآ

مشكووورة يآلغآلية

ههههههههههههههههههههههههههه
نكت مرررة حلوة
يسلمووووو

موضوع: رد: عيال × عيال الخميس أغسطس 21, 2008 5:29 am

هههههههههههههههههههههه رهيبه تسلمين على النكت Very Happy